2024 - WEATHER FORECAST

အယ်လ်နီညိုဖြစ်စဉ်ရဲ့သက်ရောက်မှုကြောင့် ပူပြင်းခြောက်သွေ့ခြင်းဒဏ်ကို ခံစားခဲ့ရတဲ့ နိုင်ငံတွေထဲမှာ မြန်မာနိုင်ငံကလဲပါဝင်ခဲ့တာ ပြီးခဲ့တဲ့ ဧပြီလအတွင်း ကမ္ဘာ့အပူဆုံး ၁၅ နိုင်ငံစာရင်းမှာ ထိပ်ဆုံးကပါခဲ့တဲ့ ဖြစ်စဉ်တွေက သက်သေပြခဲ့ပြီး ဖြစ်ပါတယ်။

လာနီညာဖြစ်စဉ်ကတော့ အယ်လ်နီညိုရဲ့ ဆန့်ကျင်ဘက် အေးမြစိုစွတ်တဲ့ ရာသီဥတုဖြစ်စဉ်သက်ရောက်မှာဖြစ်တာကြောင့် ၂၀၂၄ ခုနှစ် မိုးနှောင်းရာသီနဲ့ မိုးလွန်ရာသီများအတွင်း မိုးများပြီး ရေကြီးရေလျှံဖြစ်နိုင်မဲ့သဘာဝဘေးအန္တရာယ်တွေနဲ့ လာမဲ့ဆောင်းရသီမှာ အအေးပိုလာနိုင်မဲ့ အခြေအနေများကို ကြုံတွေ့ရဘွယ်ရှိပါတယ်။

၂၀၂၄ ခုနှစ် ဇွန်လမှ ဩဂုတ်လအတွင်း လာနီညာ အစွန်းရောက်ရာသီဥတုဖြစ်စဉ် ဖြစ်ပေါ်နိုင်ချေ ၄၉% နှင့် ဇူလိုင်လမှ စက်တင်ဘာလအတွင်း လာနီညာဖြစ်နိုင်ချေ ၆၉% ရှိလာကြောင်း EL NIÑO/SOUTHERN OSCILLATION (ENSO)DIAGNOSTIC DISCUSSION မှာ ဖေါ်ပြထားပါတယ်။

https://tinyurl.com/22opxwfm

ကျွမ်းကျင်ပညာရှင်များရဲ့ နောက်တကြိမ်ဆွေးနွေးပွဲကို ၂၀၂၄ ခုနှစ် ဇွန်လ ၁၃ ရက်နေမှာ ကျင်းပမယ်လို့လဲ သိရပါတယ်။ အယ်လ်နီညိုနှင့် လာနီညာဖြစ်စဉ်များကို စောင့်ကြည့်တဲ့ ပညာရှင်များရဲ့ ဘလော့စာမျက်နှာကို ဒီမှာ ဖတ်ရှုလေ့လာနိုင်ပါတယ်။

https://www.climate.gov/news-features/blogs/enso

အယ်လ်နီညိုဖြစ်စဉ်ပြီးဆုံးပြီး ENSO NEUTRAL အဖြစ်ဆက်လက်ရှိနေ 16APR2024

🔸 အယ်လ်နီညို-လာနီညာ အခြေအနေ

ဧပြီလ ၁၆ ရက်နေ့မှာ ထွက်လာတဲ့ ဩစတေးလျှမိုးလေဝသဌာနထုတ်ပြန်ချက်မှာ အယ်လ်နီညိုဖြစ်စဉ်ပြီးဆုံးသွားပြီဖြစ်ကြောင်း၊ ၂၀၂၄ ခုနှစ် ဇူလိုင်လအထိ ENSO Neutral အဖြစ်ဆက်လက်တည်ရှိမှာဖြစ်ကြောင်း ဖေါ်ပြထားပါတယ်။ ယခင်ခန့်မှန်းချက်များအတိုင်းဆိုရင် လာနီညာက ဇူလိုင်လမှာ အားအသင့်အတင့်ဖြစ်လာနိုင်ကြောင်းသုံးသပ်ခန့်မှန်းခဲ့ကြပါတယ်။ လာနီညာဖြစ်လာနိုင်ချေနဲ့ အင်အားကို တိတိကျကျခန့်မှန်းထုတ်ပြဖို့အတွက် လက်ရှိဖြစ်လာတဲ့ ENSO Neutral သည် - ဇူလိုင်လနောက်ပိုင်းဘယ်လိုဖြစ်နိုင်မယ်ဆိုတဲ့အခြေအနေကိုစောင့်ကြည့်ပြီး ခန့်မှန်းရမှာဖြစ်ကြောင်း ဖေါ်ပြထားတာတွေ့ရပါတယ်။

QUOTE ...

1. El Niño has ended and the El Niño–Southern Oscillation (ENSO) has returned to neutral. Climate models indicate ENSO will likely continue to be neutral until at least July 2024.

2. While three out of seven international models are predicting central Pacific SSTs to reach La Niña thresholds in July, El Niño and La Niña predictions made in mid-autumn tend to have lower accuracy than predictions made at other times of the year. This means that current forecasts of the ENSO state beyond July should be used with caution.

END QUOTE.

REFERENCE: http://www.bom.gov.au/

🔸 အိုင်အိုဒီ အခြေအနေ

အိုင်အိုဒီ(IOD)လို့ခေါ်တဲ့ Indian Ocean Dipole ကတော့ ဧပြီလ ၁၄ ရက်နေ့မှာ +0.57 °C ရှိနေတာကြောင့် စံသတ်မှတ်ထားတဲ့ +0.5 °C ထက် +0.07 °C ကျော်လွန်နေပြီဖြစ်ကြောင်း၊ မေလက စ ပြီး စက်တင်ဘာလအထိ အိန္ဒိယသမုဒ္ဒရာမှာ IOD positive ဆက်လက်ဖြစ်ပေါ်နေနိုင်ကြောင်း တွေ့ရပါတယ်။

INDIAN OCEAN DIPOLE positive နဲ့ negative ဟာ ကမ္ဘာ့မိုးလေဝသဖြစ်စဉ်များအပေါ် ဘယ်လိုသက်ရောက်မှုရှိကြောင်းရှင်းပြထားတာကို ဒီ LINK မှာ ဖတ်ရှုနိုင်ပါတယ် - https://www.mmweather.org/global-warming#h.3fdij8rd0cfz

QUOTE ..

"Although the most recent value of the Indian Ocean Dipole (IOD) index (+0.57 °C) is above the positive IOD threshold, the IOD is neutral. Despite the positive IOD values being mostly from record warmth in the north-west Indian Ocean, atmospheric indicators in the eastern Indian Ocean may be consistent with a developing positive IOD."

END QUOTE

REFERENCE: http://www.bom.gov.au/

🔸 မိုးလေဝသဖြစ်နိုင်ချေ

နောက်ဆုံးရရှိတဲ့ ရာသီဥတုဖြစ်စဉ်တွေအပေါ် သင်္ချာပုံစံမိုးလေဝသခန့်မှန်းရေးမော်ဒယ်များက ကြိုတင်ခန့်မှန်းထားတာမှာတော့ ..

🔸 အနောက်တောင်မုတ်သုံလေပုံမှန်ဝင်ရောက်ချိန်အတိုင်းဝင်ရောက်နိုင်သော်လည်း ဇွန်-ဇူလိုင်လခန့်အထိ အားနည်းနေနိုင်ကြောင်း၊

၂၀၂၄ ခုနှစ် ဇူလိုင်လမှ ဩဂုတ်လအထိ - ပြည်နယ်နှင့်တိုင်းများအလိုက်မိုးရွာသွန်းမှုအခြေအနေကိုကြိုတင်ခန့်မှန်းရာမှာ -

🔸 ရခိုင်ပြည်နယ်၊ ဧရာဝတီတိုင်း၊ မကွေးတိုင်း၊နေပြည်တော်၊ ရန်ကုန်တိုင်း၊ ဧရာဝတီတိုင်း၊ ပဲခူးတိုင်း၊ ကယားပြည်နယ်၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်းနဲ့ ရှမ်းပြည်နယ်အရှေ့ပိုင်းဒေသတွေရဲ့ မိုးရွားသွန်းမှုအခြေအနေက ပုံမှန်ရွာသွန်းမြဲမိုးရေချိန်အောက် ၁၀ မီလီမီတာမှ ၄၀ မီလီမီတာအထိ လျော့နည်းနေနိုင်မှာဖြစ်ကြောင်း၊

🔸 မန္တလေးတိုင်း၊ စစ်ကိုင်းတိုင်းအောက်ပိုင်း၊ ရှမ်းပြည်နယ်မြောက်ပိုင်းနဲ့ တောင်ပိုင်းဒေသတွေမှာ ပုံမှန်ရွာသွန်းမြဲမိုးရေချိန်ခန့်ရွာသွန်းနိုင်ပြီး၊

စစ်ကိုင်းတိုင်းအထက်ပိုင်း၊ မန္တလေးတိုင်းအထက်ပိုင်း၊ ကချင်ပြည်နယ်နဲ့ ရှမ်းပြည်နယ်မြောက်ဖျားဒေသတွေမှာ နှစ်စဉ်ရွာသွန်းမြဲမိုးရေချိန်ထက် ၁၀ မီလီမီတာမှ ၃၀ မီလီမီတာအထိ မိုးပိုမိုရွာသွန်းနိုင်ကြောင်း တွေ့ရပါတယ်။

🔸 မြန်မာတနိုင်ငံလုံးအတွက် မိုးပုံမှန်ရွာသွန်းခြင်းသည် စက်တင်ဘာလမှသာဖြစ်နိုင်ကြောင်း တွေ့ရတာကြောင့် မိုးဦးညံ့ပြီး မိုးလယ်ကာလကုန်ကာနီးနဲ့ မိုးနှောင်းကာလအတွင်း မိုးကောင်းနိုင်ပြီး မေလနှင့် ဇွန်လများအတွင်း နေ့အပူချိန်များဆက်လက်မြင့်မားနေနိုင်ဦးမှာဖြစ်ကြောင်း ကြိုတင်ခန့်မှန်းသုံးသပ်လိုက်ပါတယ်။

၂၀၂၄ ခုနှစ် မိုးရာသီအခြေအနေ ကြိုတင်ခန့်မှန်းခြင်း

၂၀၂၄-ဧပြီလ ၁၂ ရက် ၁၅:၄၅ နာရီ

အယ်လ်နီညိုဆက်လက်ဖြစ်ပေါ်နေဆဲ ၂၀၂၄ ခုနှစ်ရဲ့ မိုးရာသီကာလ မိုးရွာသွန်ုးနိုင်မဲ့အခြေအနေအတွက် Seasonal Forecast မှာတွေ့ရတဲ့ ကြိုတင်ခန့်မှန်းချက်များဖြစ်ပါတယ် -
💨🌧️ မေလအကုန် ဇွန်လအတွင်းမှာ အနောက်တောင်မုတ်သုံလေဝင်ရောက်နိုင်ချေရှိကြောင်း၊ မုတ်သုံဝင်ရောက်ချိန်မှာ မြန်မာနိုင်ငံမြောက်ပိုင်းဒေသများမှာ မိုးပိုနိုင်ပြီး တောင်ပိုင်းဒေသတွေမှာတော့ မိုးနည်းနိုင်မဲ့ အခြေအနေများရှိနိုင်ကြောင်း၊

🌧️ လအလိုက်ကြိုတင်ခန့်မှန်းချက်တွင် - ဧပြီလမှ ဩဂုတ်လအထိ မန္တလေးတိုင်း၊ ရှမ်းပြည်နယ်နဲ့ မကွေးတိုင်းတို့အောက်ဘက် မြန်မာနိုင်ငံတောင်ပိုင်းဒေသတွေမှာ နှစ်စဉ်ပုံမှန်ရွာသွန်းမြဲအောက် ၁၀ မီလီမီတာ မှ ၄၀ မီလီမီတာအထိ လျော့နည်းနိုင်ကြောင်း၊

🌧️ ကချင်ပြည်နယ်၊ စစ်ကိုင်းတိုင်း၊ မန္တလေးတိုင်း၊ ရှမ်းပြည်နယ်မြောက်ပိုင်းနှင့် အရှေ့ပိုင်း၊ ချင်းပြည်နယ်၊ ရခိုင်ပြည်နယ်၊ နေပြည်တော်နဲ့ ပဲခူးတိုင်းမြောက်ဘက်ခြမ်းတွေမှာ နှစ်စဉ်ပုံမှန်ရွာသွန်းမြဲအထက် ၅ မီလီမီတာမှ ၂၀ မီလီမီတာအထိ မိုးပိုမိုရွာသွန်းနိုင်ဘွယ်ရှိကြောင်း

🌦️ အချုပ်အားဖြင့် မိုးဦးကာလ ဇွန်လ ဇူလိုင်လများတွင် မြန်မာပြည်မြောက်ပိုင်းဒေသများတွင် မိုးပုံမှန်အထက်ရွာသွန်း(မိုးကောင်းနိုင်)ပြီး၊ မြန်မာနိုင်ငံအောက်ပိုင်းဒေသများတွင် မိုးပုံမှန်အောက်(မိုးနည်းနေနိုင်)ကြောင်း၊

🌧️🌧️ ၂၀၂၄ ခုနှစ် ဩဂုတ်/စက်တင်ဘာလများတွင် ဖြစ်လာမည့် လာနီညာအခြေအနေကြောင့် မြန်မာနိုင်ငံတောင်ပိုင်းအပါအဝင်တနိုင်ငံလုံးတွင် ဩဂုတ်လနောက်ပိုင်းမှသာ မိုးကောင်းလာနိုင်ကြောင်း စသည်ဖြင့် ကြိုတင်ခန့်မှန်းတင်ပြလိုက်ပါတယ်။

အယ်နီညို-လာနီညာအခြေအနေများ ၂၀၂၄ ခုနှစ် ဧပြီလ ၈ ရက်နေ့ update

၂၀၂၄ ခုနှစ်သည် အယ်လ်နီညိုနှစ် ဖြစ်သည်နှင့်အညီ ပူပြင်းခြောက်သွေ့ခြင်းကို တနိုင်ငံလုံးအတိုင်းအတာဖြင့် ကြုံတွေ့ရနိုင်မည်ဖြစ်ပါသည်။ အယ်လ်နီညိုဖြစ်စဉ်သည် ဇန်နဝါရီလအတွင်း အားအကောင်းဆုံး အခြေအနေဖြစ်ပေါ်ခဲ့ကြောင်းတင်ပြပေးခဲ့ပြီးနောက် ဧပြီလ ၈ ရက်နေ့တွင် NOAA မှ အယ်လ်နီညို/လာနီညာအခြေအနေ update ထွက်လာပါသည်။

ဧပြီလ ၈ ရက်နေ့ထွက်သည့် update အရ -

📌 အယ်လ်နီညိုဖြစ်ပေါ်နေတဲ့အခြေအနေမှာ အားလျော့သွားသော်လည်း ဆက်လက်တည်ရှိနေဆဲဖြစ်ပါသည်။
ဧပြီလမှ ဇွန်လအတွင်း အယ်လ်နီညို-လာနီညာ ကြားကာလ(Neutral)ကိုရောက်နိုင်ချေ ၈၃% ရှိပြီး ဇွန်လနဲ့ ဩဂုတ်လအတွင်း လာနီညာဖြစ်နိုင်ချေ ၆၂% ရှိကြောင်း ပါရှိပါသည်။

📌 ၂၀၂၄ ခုနှစ်၊ ဇန်နဝါရီ-ဖေဖေါ်ဝါရီနဲ့ မတ်လများအတွင်း ပင်လယ်ရေမျက်နှာပြင်အပူချိန်တွက်ချက်ထုတ်ပြန်မှုများတွင် အယ်လ်နီညိုဖြစ်စေသည့် ပင်လယ်ရေမျက်နှာပြင်အပူချိန် ၁.၈ မှ ၁.၅ အထိ လျော့ကျလာတာတွေ့ရပြီး၊ အယ်လ်နီညိုဖြစ်ပေါ်နေသည့် အားအခြေအနေ သိသိသာသာလျော့ကျနေခြင်း မဟုတ်သေးပါ။ Niño Region SST က ဧရိယာ Niño 3.4 မှာလဲ အပူချိန်အခြေအနေက မြင့်နေဆဲဖြစ်ပါသည်။

📌 လာနီညာဖြစ်ပေါ်နိုင်ချေ ရက်ဝေးကြိုတင်ခန့်မှန်းချက်များအရ နောက်ဆုံးထုတ်ပြန်ခဲ့သည့် 14MARCH UPDATE ပြောင်းလဲမှုမရှိ၊ စက်တင်ဘာလမှစတင်ပြီး လာနီညာဖြစ်နိုင်ချေ ၈၅% အထိရှိနေကြောင်း တွေ့ရပါသည်။

📌 မြန်မာနိုင်ငံ၏ မိုးဦးကာလတွင် ဧပြီလသည် အပူရှိန်အပြင်းဆုံးသောလ ဖြစ်လာနိုင်ပြီး တိုင်းနှင့်ပြည်နယ်ဒေသအချို့ ၌ အပူချိန် ၄၀°C အထက် မှ ၄၅°C အထက်အထိရောက်နိုင်ကြောင်း၊ မိုးဦးကာလအတွင်း အများအားဖြင့်မေလမှ စတင်၍ စက်တင်ဘာလအထိ မိုးများလာနိုင်ကြောင်း၊ မိုးလယ်နှင့်မိုးနှောင်းကာလအတွင်းမိုးရွာသွန်းနိုင်မည့်အခြေအနေက မိုးဦးကာလထက် ပိုမိုကောင်းနိုင်မှာဖြစ်ကြောင်း၊ နိုဝင်ဘာလကုန် ဒီဇင်ဘာလဆန်းအထိ မိုးရွာနိုင်မည့်အခြေအနေများ ဆက်လက်ဖြစ်ပေါ်နိုင်ကြောင်း တွေ့ရပါသည်။

ပြည်နယ်တိုင်းများအလိုက် ဖြစ်ပေါ်နိုင်မည့် ရာသီဥတုအခြေအနေများ

AYARWADY ဧရာဝတီတိုင်း

ဧပြီလ သည်အပူဆုံးလ၊ အပူချိန် ၄၀°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလများတွင် မိုးရေချိန်အများဆုံးရွာနိုင်ကာ
ဇွန်လ နှင့် စက်တင်ဘာလများတွင် မိုးရေချိန်အလွန်များ(၁၀၀ မီလီမီတာ အထက်)ရွာသွန်းနိုင်သည့်ရက်များ ရှိနိုင်ပါသည်။
နိုဝင်ဘာလမှ ဒီဇင်ဘာလဆန်းပိုင်းအထိ မိုးရွာနိုင်မည့်အခြေအနေများဖြစ်ပေါ်မည်။

BAGO ပဲခူးတိုင်း

ဧပြီလ သည်အပူဆုံးလ၊ အပူချိန် ၄၀°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလများတွင် မိုးရေချိန်အများဆုံးရွာနိုင်ကာ၊ ဇွန်လ၊ ဇူလိုင်လ၊ ဩဂုတ်လ နှင့် စက်တင်ဘာလများတွင် မိုးရေချိန်အလွန်များ(၁၀၀ မီလီမီတာ အထက်)ရွာသွန်းနိုင်သည့်ရက်များ ရှိနိုင်ပါသည်။
နိုဝင်ဘာလမှ ဒီဇင်ဘာလဆန်းပိုင်းအထိ မိုးရွာနိုင်မည့်အခြေအနေများဖြစ်ပေါ်မည်။

CHIN ချင်းပြည်နယ်

ဧပြီလ သည်အပူဆုံးလ၊ အပူချိန် ၃၀°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်၊ စက်တင်ဘာလနှင့် အောက်တိုဘာများတွင် မိုးရေချိန်အများဆုံးရွာနိုင်ကာ၊ ဇူလိုင်လ နှင့် စက်တင်ဘာလများတွင် မိုးရေချိန်အလွန်များ(၁၀၀ မီလီမီတာ အထက်)ရွာသွန်းနိုင်သည့်ရက်များ ရှိနိုင်ပါသည်။
နိုဝင်ဘာလမှ ဒီဇင်ဘာလဆန်းပိုင်းအထိ မိုးရွာနိုင်မည့်အခြေအနေများဖြစ်ပေါ်မည်။

KACHIN ကချင်ပြည်နယ်

ဧပြီလ သည်အပူဆုံးလ၊ အပူချိန် ၃၅°C အထက်ရှိမည်။
နှစ်အစပိုင်း ဇန်နဝါရီလမှ ဒီဇင်ဘာလအထိ မိုးရွာနိုင်ပြီး မေ၊ ဇွန်၊ ဇူလိုင်၊ ဩဂုတ်၊ စက်တင်ဘာ၊ အောက်တိုဘာလများတွင် မိုးရေချိန်အများဆုံးရွာနိုင်သည်။ ဇွန်၊ ဇူလိုင်၊ စက်တင်ဘာ နှင့် နိုဝင်ဘာလများတွင် မိုးရေချိန်အလွန်များ(၁၀၀ မီလီမီတာ အထက်) ရွာသွန်းနိုင်မည့် ရက်များ ရှိနိုင်ပါသည်။
နိုဝင်ဘာလမှ ဒီဇင်ဘာလဆန်း၊ ပထမပတ် ကုန်သည်အထိ မိုးရွာနိုင်မည့်အခြေအနေများဖြစ်ပေါ်မည်။

KAYA ကယားပြည်နယ်

ဧပြီလ သည်အပူဆုံးလ၊ အပူချိန် ၃၅°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလ များတွင် မိုးရေချိန်အများဆုံးရွာနိုင်ကာ၊ ဇွန်၊ ဇူလိုင်နှင့် စက်တင်ဘာလများတွင် မိုးရေချိန်အလွန်များ(၁၀၀ မီလီမီတာအထက်ရွာနိုင်)မည့်ရက်များ ရှိနိုင်ပါသည်။
နိုဝင်ဘာလကုန်၊ ဒီဇင်ဘာလဆန်း ပထမပတ် အထိ မိုးရွာနိုင်မည့်အခြေအနေများဖြစ်ပေါ်မည်။

KAYIN ကရင်ပြည်နယ်

ဧပြီလ သည်အပူဆုံးလ၊ အပူချိန် ၃၅°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလ များတွင် မိုးရေချိန်အများဆုံးရွာနိုင်ကာ ဇွန်၊ ဇူလိုင်၊ ဩဂုတ်နှင့် စက်တင်ဘာလများတွင် မိုးရေချိန်အလွန်များ(၁၀၀ မီလီမီတာအထက်ရွာနိုင်)မည့်ရက်များ ရှိနိုင်ပါသည်။
နိုဝင်ဘာလကုန်အထိ မိုးရွာနိုင်မည့်အခြေအနေများဖြစ်ပေါ်နိုင်ပါမည်။

MAGWAY မကွေးတိုင်း

ဧပြီလ သည်အပူဆုံးလ၊ အပူချိန် ၄၀°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်၊ စက်တင်ဘာနှင့် အောက်တိုဘာလများတွင် မိုးရေချိန်အများဆုံးရွာနိုင်ကာ -ဇွန်လ နှင့် စက်တင်ဘာလများတွင် မိုးရေချိန်အလွန်များ(၁၀၀ မီလီမီတာအထက်ရွာနိုင်)မည့်ရက်များ ရှိနိုင်ပါသည်။
နိုဝင်ဘာလကုန်၊ ဒီဇင်ဘာလဆန်းပိုင်း အထိ မိုးရွာနိုင်မည့်အခြေအနေများဖြစ်ပေါ်နိုင်ပါမည်။

MANDALAY မန္တလေးတိုင်း

ဧပြီလ သည်အပူဆုံးလ၊ အပူချိန် ၄၀°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလ များတွင် မိုးရေချိန်အများဆုံးရွာနိုင်ကာ၊
ဇွန်လ နှင့် စက်တင်ဘာလများတွင် မိုးရေချိန်အလွန်များ(၁၀၀ မီလီမီတာအထက်ရွာနိုင်)မည့်ရက်များ ရှိနိုင်ပါသည်။ မန္တလေးတိုင်းတွင် ပြီးခဲ့သည့် ၂၀၂၃ ခုနှစ်လောက် မိုးများနိုင်မည့် အခြေအနေမတွေ့ရပါ။
နိုဝင်ဘာလကုန်အထိ မိုးရွာနိုင်မည့်အခြေအနေများဖြစ်ပေါ်မည်။

MON မွန်ပြည်နယ်

ဧပြီလ သည်အပူဆုံးလ၊ အပူချိန် ၃၅°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလ များတွင် မိုးရေချိန်အများဆုံးရွာနိုင်ပါသည်၊ ဇွန်လ၊ ဩဂုတ်လ နှင့် စက်တင်ဘာလများတွင် မိုးရေချိန်အလွန်များ(၁၀၀ မီလီမီတာအထက် ရွာနိုင်သည့်ရက်များရှိနိုင်)သည်။
နိုဝင်ဘာလမှ ဒီဇင်ဘာလဆန်းအထိအထိ မိုးရွာနိုင်မည့်အခြေအနေများ ဆက်လက်ဖြစ်ပေါ်နိုင်မည်။

NAYPYITAW နေပြည်တော်တိုင်း

ဧပြီလ သည်အပူဆုံးလ၊ အပူချိန် ၄၀°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလ များတွင် မိုးရေချိန်အများဆုံးရွာနိုင်သော်လည်း မိုးရေချိန်အသင့်အတင့်သာ ရွာနိုင်သည်။
နိုဝင်ဘာလနှင့် ဒီဇင်ဘာလဆန်းအထိ မိုးရွာနိုင်မည့်အခြေအနေများဖြစ်ပေါ်နေမည်။

RAKHINE ရခိုင်ပြည်နယ်

ဧပြီလ သည်အပူဆုံးလ၊ အပူချိန် ၃၅°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလ များတွင် မိုးရေချိန်အများဆုံးရွာနိုင်ပါမည်၊ ဇွန်လ နှင့် စက်တင်ဘာလများတွင် မိုးရေချိန်အလွန်များမိုးရေချိန်အလွန်များ(၁၀၀ မီလီမီတာအထက် ရွာနိုင်သည့်ရက်များရှိနိုင်)သည်။
နိုဝင်ဘာလမှ ဒီဇင်ဘာလဆန်းအထိအထိ မိုးရွာနိုင်မည့်အခြေအနေများ ဆက်လက်ဖြစ်ပေါ်နိုင်မည်။

SAGAING စစ်ကိုင်းတိုင်း

SHAN ရှမ်းပြည်နယ်

ဧပြီလ သည်အပူဆုံးလ၊ အပူချိန် ၃၀°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလ များတွင် မိုးရေချိန်အများဆုံးရွာနိုင်သည့်အပြင် မိုးရေချိန်အလွန်များ ၁၀၀ မီလီမီတာအထက်ရွာသည့် ရက်များရှိနိုင်ပါသည်။
နိုဝင်ဘာလမှ ဒီဇင်ဘာလဆန်းအထိ မိုးရွာနိုင်မည့်အခြေအနေများ ဆက်လက်ဖြစ်ပေါ်နိုင်မည်။

TANINTHARYI တနင်္သာရီတိုင်း

ဧပြီလ သည်အပူဆုံးလ၊ အပူချိန် ၃၅°C အထက်ရှိမည်။
ဧပြီလမှ စတင်၍မိုးရွာနိုင်ပြီး ဇွန်၊ ဇူလိုင်၊ ဩဂုတ်နှင့် စက်တင်ဘာလ များတွင် မိုးရေချိန်အများဆုံးရွာနိုင်သည့်အပြင် စက်တင်ဘာလအတွင်း မိုးရေချိန်အလွန်များ(၁၀၀ မီလီမီတာအထက်)ရွာသည့် ရက်များရှိနိုင်ပါသည်။
နိုဝင်ဘာလမှ ဒီဇင်ဘာလဆန်းအထိ မိုးရွာနိုင်မည့်အခြေအနေများ ဆက်လက်ဖြစ်ပေါ်နိုင်မည်။

YANGON ရန်ကုန်တိုင်း

မတ်၊ ဧပြီလနှင့် မေလတို့သည်အပူဆုံးလ၊ အပူချိန် ၄၀°C အထက်ရှိမည်။
ဧပြီလမှ စတင်၍မိုးရွာနိုင်ပြီး မေ၊ ဇွန်၊ ဇူလိုင်၊ ဩဂုတ်နှင့် စက်တင်ဘာလ များတွင် မိုးရွာရက်အများဆုံး၊ မိုးရေချိန်အများဆုံးဖြစ်နိုင်သည့်အပြင် ဇွန်လ နှင့် စက်တင်ဘာလအတွင်း မိုးရေချိန်အလွန်များ(၁၀၀ မီလီမီတာအထက်)ရွာသည့် ရက်များရှိနိုင်ပါသည်။
နိုဝင်ဘာလမှ ဒီဇင်ဘာလဆန်းအထိ မိုးရွာနိုင်မည့်အခြေအနေများ ဆက်လက်ဖြစ်ပေါ်နိုင်မည်။

LAST UPDATED on 28MAR-2024

ဧရာဝတီတိုင်း

ပဲခူးတိုင်း

ချင်းပြည်နယ်

ကချင်ပြည်နယ်

ကယားပြည်နယ်

ကရင်ပြည်နယ်

မကွေးတိုင်း

မန္တလေးတိုင်း

မွန်ပြည်နယ်

နေပြည်တော်တိုင်း

ရခိုင်ပြည်နယ်

စစ်ကိုင်းတိုင်း

ရှမ်းပြည်နယ်

တနင်္သာရီတိုင်း

ရန်ကုန်တိုင်း